Елімізге кәсіптік мамандық керек екенін назарға алып, оны дұрыс жолға қоюды баса айтқан Елбасының арнайы тапсырмасы бұл күнде қолдау тауып, қажеттілігі дәлелденіп отыр,-деді ол, - Осы негізде қажетті мамандарды дайындау үшін кәсіптік техникалық білімді дамытудың 2008-2012 жылға арналған бағдарламасын жүзеге асыру бойынша облыс әкімі әр ауданда кәсіптік мектеп ашуды қолға ала бастаған болатын. Соның бірі, Ұйым ауылындағы №11 кәсіптік лицейдің ашылуы.Бұл оқу орнының мақсаты сұраныстағы мамандықтарды тез әрі сапалы дайындап шығару.

Алғашқы 2007 жылы 75 оқушыға үш мамандық бойынша білім берген.

№11 Cарысу колледжі аудан халқының сұранысы бойынша мамандар тәрбиелеп келеді.Білім алушылардың да саны жыл сайын арта түсуде. Осыған байланысты Жамбыл облысы әкімдігі 2012 жылғы 28 маусым №198 қаулысымен Ұйым ауылында Жамбыл облысы әкімдігінің білім басқармасының №662 бұйрығы бойынша 2012 жылдың шілде айының 3 жұлдызынан бастап №11 Сарысу колледжі болып бекітілген болатын. Бұл оқу орнында газэлектрдәнекерлеуші, ферма шаруашылығы, тамақтандыруды ұйымдастыру, мал дәрігерлігі мамандықтары бойынша қазіргі уақытта колледжде 9 топта 162 білімгер білім алуда. Осы уақытқа дейін мекеме 201 түлек ұшырды. Келесі оқу жылында жергілікті білім мекемелерінің сұранысын зерттеп дайындайтын топтар ашуды жоспарлап отырмыз.Бұл жерде тек мамандыққа қатысты пәндерден бөлек, білімгерге патриоттық тәрбие беру, салт – дәстүр туралы танымын арттыру. Физика, шетел тілдері, география сияқты пәндер бойынша кеңінен білім алуға мүмкіндіктер жасалған.Бұл күнде ертеңгі қоғам иелеріне сапалы білім, саналы бағдар беру ісінде жоғары санатты, өз ісінің шеберлері білікті ұстаздар еңбек етеді.Атап айтар болсақ 12 өндірістік оқыту шебері, 21 оқытушы дәріс береді. Колледжде 2 кабинет компьютермен жабдықталған. Қазіргі таңда кітапханада 72 электронды оқулықтар бар. Олар жалпы білім беретін пәндер, яғни химия, тарих, физика, математика сабақтарында тиімді пайдаланылады.

Сонымен қатар №11 Сарысу колледжінің директорының өндірістік оқу жөніндегі орынбасары Сенбі Төлегенов «Қазақстан Республикасында білім беруді дамытудың «2011-2020» жылдарға арналған мемлекеттік бағдарламасындағы техникалық және кәсіптік білім беру жолдары туралы» тақырыпта хабарлама жасады.

Сондай-ақ №11 Сарысу колледжінің атынан А.Сейналиев, Ж.Смағұловтар үздік көрсеткіште оқып жатқан білімгерлердің ата-аналарына Алғыс хат табыс етті.

Кеш соңында колледж білімгерлері Ш. Бекенасов «Көк тудың желбірегені», Н. Әбдіғалиев «Ана», Қ. Серікова мен А. Дәулетбековалар «Ауылым» әндерін әуелете шырқады.